Mimmo Cavallaro e Cosimo Papandrea - HJIURI DI HJIUMARI Testo Video e Concerto
HJIURI DI HJIUMARI
Senti profumu di janestra
Qundu lapri ssa finestra
Trasi lu suli ‘nta li casi
Senti profumu di pajisi
Terra chi tremi e fai fujiri
Terra chi sempri dai suspiri
Terra d’amuri mari e suli
Terra di praja e di caluri
Aloari, spini e spalasari
Cafuni e timpi hjiuri di hjiumari
Vuci chi chjiama: “Venitindi amuri!
Ca sugnu sula chi zappu ‘nta si chjiani”
Scrusci l’agghjiru ‘nta la frasca
Mangia li mura di ruvetta
Luci la luna e staci cittu
Senti na botta di scupetta
Lucinu l’occhji ‘nta lu scuru
Botta di lampu ‘nta lu cielu
Scorci lu porcu ‘nta la zimba
Mangi ricotta e ‘mbivi seru
E arzira fici li ti cu nu vecchjiu pananaru
Mi volia na lira e menza di nu cofanu e nu panaru
E non era fattu bonu era tuttu sculacchjiatu
O madonna di lu ritu fa mu veni la hjiumara
Mu si leva lu cannitu, nommu fannu chjiù panara
Aloari, spini e spalasari
Cafuni e timpi hjiuri di hjiumari
Vuci chi chjiama: “Venitindi amuri!
Ca sugnu sula chi zappu ‘nta si chjiani”
Mimmo Cavallaro e Cosimo Papandrea - CITULA D'ARGENTU Testo Canzone Video Concerto
CITULA D’ARGENTU
(voce di Cosimo Papandrea)
Chitarra d’oru e citula d’argentu
Fati sentiri stu sonu ‘mperiali
Canzuni aju a cantari chjiù di centu
Mu schiatta cu non voli e parra mali
Eu su comu lu lupu a passu lentu
E non mi spagnu si bajiunu i cani
Li cosi fazzu a tempu e mai mi pentu
Senza livatu non si faci pani
La luna è janca e vui brunetta siti
Ija è d’argentu e vui l’oru portati
Ija si scusa e vui ca la vinciti
Ija s’accrissa e vui non v’accrissati
Vui lu suli e la luna ca vi uniti
Ma ne suli e no luna vi chjiamati
Si lu suspiru avissi la parola
Chi bellu ‘mbasciaturi chi sarria
Parti suspiru cu lu ventu vola
Vai a trovari tu la bella mia
Eu t’amu quantu poti n’omu amari
Ti vogghjiu beni chjiù chi ti volia
La luna è janca e vui brunetta siti
Ija è d’argentu e vui l’oru portati
Ija si scusa e vui ca la vinciti
Ija s’accrissa e vui non v’accrissati
Vui lu suli e la luna ca vi uniti
Ma ne suli e no luna vi chjiamati…
…“La luna ammanca e vui sempri crisciti,
ija perdi la luci e vui la dati…
e si ll’arrivi penzerusa e sula
dinci ca chistu cori la desia”…
La luna è janca e vui brunetta siti
Ija è d’argentu e vui l’oru portati
Ija si scusa e vui ca la vinciti
Ija s’accrissa e vui non v’accrissati
Vui lu suli e la luna ca vi uniti
Ma ne suli e no luna vi chjiamati (x2)
TaranProject "Passa lu mari" Mimmo Cavallaro, Cosimo Papandrea Frase Bella Canzone Video e Concerto
Oilì Oilà, si mi vo' beni, passa lu mari e venimi a cercari, passa lu mari e venimi a cercari.
Venimi a cercari pe' mari e pe' terra, duvi la genti non passanu mai, duvi la genti non passanu mai...
......Sugnu sbarcatu tra Riace e Caulonia, terra del sud, della lira che sona. 'Na tarantella a Piazza Mesi, cu' Santu Lariu nu palestinesi. Cu' l'iracheni e nigeriani, allu Spiruni 'ndi stringimu li mani. Nesci lu suli e ancora ballamu, na tarantella e no 'ndi stancamu, na tarantella e no 'ndi stancamu. {Mimmo Cavallaro - Passa lu mari}
Venimi a cercari pe' mari e pe' terra, duvi la genti non passanu mai, duvi la genti non passanu mai...
......Sugnu sbarcatu tra Riace e Caulonia, terra del sud, della lira che sona. 'Na tarantella a Piazza Mesi, cu' Santu Lariu nu palestinesi. Cu' l'iracheni e nigeriani, allu Spiruni 'ndi stringimu li mani. Nesci lu suli e ancora ballamu, na tarantella e no 'ndi stancamu, na tarantella e no 'ndi stancamu. {Mimmo Cavallaro - Passa lu mari}
Iscriviti a:
Post (Atom)